Қызылордада көліктен 1 пакет есірткі табылды
Қызылордалық полицейлер 1 келіден аса есірткі заты бар көліктегі азаматты ұстады.
Бұл туралы Қызылорда облыстық ішкі істер департаментінің баспасөз қызметі хабарлады.
Ағымдағы жылдың 27-желтоқсанында Қармақшы аудандық ішкі істер басқармасы жергілікті полиция қызметі жол-патрульдік полиция ротасының қызметкерлері өздеріне бекітілген аумақта барлау жұмыстарын жүргізу барысында күдік тудыратын «Лада Калинина» маркалы автокөлігін тоқтатады. Жүргізушінің құжаттарын, көліктің ішін тексеру кезінде полиэтилен орамасын байқайды. Пакетті ашып қарағанда өзіне тән ерекше иісі бар есірткіге ұқсас жасыл түсті зат анықталып, оқиға орнына жедел-тергеу тобы шақыртылды. Аталған затқа сараптама тағайындалып, нәтижесінде ол салмағы 1 келі 888 грамм «кептірілген марихуана» екені анықталды.
Егер де ұсталғандардың кінәсі дәлелденген жағдайда олар 3 жылдан 7 жылға дейінгі мерзімге бас бостандығынан айырылуы мүмкін.
Суретті Қызылорда облыстық ІІБ ұсынды
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе