Түріктің танымал киноактері Мұрат Йылдырым марокколық актриса және модель Имана Эльбаниге үйленіп алды.
Тіпті Түркия президенті Эрдоған бұл тойда құда болып жүріпті. Қараша айында ел президенті Анкара әуежайында Йылдырым мен оның қалыңдығымен кездесіп қалған екен. Олар үйленгелі жүргенін айтқанда, Түркия президенті қыздың әке-шешесіне телефон шалып, құда түсіп берген екен. Қыздың отбасы келісімін беріпті.
Бұл тойға қонақ ретінде актриса Мерьем Узерли, футболшы Арда Туран және басқа да жақсы-жайсаңдар келіпті.