Қытайда қарт ата-анасы бар қызметкерге қосымша 20 күн демалыс беріледі
Қытайдың Хэнань аймағында отбасындағы жалғыз балаға қарт ата-анасына күтім жасауы үшін 20 күндік кезекті демалыс беру қарастырылды. Бұл туралы Синьхуа ақпарат агенттігіне сілтеме жасап, russian.news.cn хабарлайды.
Бұл тәртіп Қытайда 30 жылдан бері жүзеге асып келе жатқан “Бір отбасы – бір бала” саясатының аясында жүзеге асырылады.
Осыған орай, Хэнань аймағының билік өкілдері ата-анасының жасы 60-тан асқан қызметкерлерге қосымша демалыс беруді ойластырып отыр.
“Бір отбасы – бір бала” саясаты Қытайға 1970 жылы енгізілген болатын.
Өткен жылдың соңғы айында бұл саясаттан түбегейлі бас тартқан-ды. Бұған жергілікті тұрғындардың жылдам қартайып, қытайлық азаматтардың наразылық білдіруі себеп болған.
2050 жылы Қытай халқының төрттен бір бөлігін 65 жастан асқан тұрғындар құрайтын болады.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз