“Үсті-басы кір-кір, сақалы өскен…”. Оралда із-түссіз жоғалған ер адам табылды
Орал қаласында Ұлттық ұлан сарбаздары жоғалғандар қатарында тіркелген ер адамды тапты.
Бұл туралы Ұлттық ұланы “Батыс” өңірлік қолбасшылығының баспасөз қызметі хабарлады.
Баспасөз қызметінің ақпаратынша, әскери жасақ басшысы Дәурен Сағындықов, қатардағы патрульдік сарбаздар Бекзат Садинов пен Оралбек Мыңтөре Орал қаласындағы Жуков көшесінде №13 үйдің жанындағы гараждардың маңында мас ер адамды байқап қалады. Нұсқау бойынша әрекетке көшкен сарбаздар қоғамдық тәртіптің бұзылғаны туралы дереу кезекшіге хабар береді.
Патруль ұсталған азаматты жақын маңдағы полиция учаскесіне жеткізді.
“Тексеру барысында Р. есімді Орал тұрғыны ұзақ уақыт із-түзсіз жоғалған адам ретінде іздеуде болғаны анықталды”, — делінген хабарламада.
Қызметтік міндетін орындау барысында қырағылық танытып, көзге түскен әскери жасақ бөлім командирінің бұйрығымен шендері көтермеленді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе