ҚР Сыртқы істер министрлігіндегілер Ыстамбұл әуежайында қайтыс болған қазақстандыққа қатысты жаңа деректерді жариялады, – деп хабарлайды Tengrinews.kz.
“Оның жұбайы Ыстанбұлға ұшып барды. Біздің елші көмек көрсетіп, мәйітті тану шарасы өтті. Келесі күні ер адамның денесі Астанаға жіберілді. Тергеу жүріп жатыр, түрік полицейлерінен ақпарат күтеміз. Ол үйленген. Оның жұбайы оған қатысты қандай да бір мәліметті жарияламауды сұрады. Тергеу екі, үш айға созылады”, – деді ҚР СІМ баспасөз қызметінің басшысы Айбек Смадияров.
“Ол 26 қыркүйекте Түркияға ұшып келіп, бір тәулік әуежайда қонған. Оқиға болған жерге келген түрік дәрігерлері оны құтқара алмады”, – деп хабарлады министрліктегілер.