Алматы облысында ұшақ апатынан қайтыс болған екі азаматтың мәйітін айыру мүмкін болмай отыр.
Бұл туралы 31 арна хабарлайды.
Сараптама орталығы мамандарының сөзінше, марқұмдардың денелерінің күйіп кеткені сонша, тіпті жақындарының өзі танымай жатыр екен. Сарапшылар мәйіттердің әлі екі күнге жуық зерттелетінін айтады. Мамандар ДНК сараптамасы да жасалуы мүмкін дейді. Ішінде екі адам болған ЯК-12 ұшағы кеше Панфилов ауданының Шолақай ауылы маңында құлаған болатын. Жердің бетімен соқтығысуы мүмкін деген әуе кемесі өртеніп, 1963 жылғы Хамит Ақбергенов пен 39 жастағы жолаушы Мәсімжан Мәсімов тірідей жанып кеткен еді.