Украинаның Жоғарғы Рада депутаты Надежда Савченко Донбасты бейбіт жолмен босату тек Қырымнан уақытша бас тарту арқылы ғана мүмкін екенін айтты, деп хабарлайды «112 Украина» арнасы.
Украинаның Жоғарғы Рада депутаты Надежда Савченко Донбасты бейбіт жолмен босату тек Қырымнан уақытша бас тарту арқылы ғана мүмкін екенін айтты, деп хабарлайды «112 Украина» арнасы.
«Ресей санкцияға шыдас бере алмай, нәтижесінде Қырым бәрібір қайтарылады. Бірақ ол әдеттегідей ұзаққа созылып кетпек», — деді депутат.
Ертеректе Украина президенті Петр Порошенко Қытай Халық Республикасы төрағасы Си Цзиньпиннен Қырым мен Донбасты қайтаруға көмектесуді сұраған еді.
Савченконың әлгі мәлімдемесінен кейін Кремльдің ресми өкілі Дмитрий Песков ресейлік аймақтардың, соның ішінде Қырымның мәртебесі талқыланбайтынын кесіп айтты.
«Бұл мәселе Ресей Федерациясы үшін талқыланбайтын тақырып. Әсіресе, елдің өңірлерінің мәртебесін ешкіммен талқыға салмаймыз», — деді Песков. Осылайша, Песков Савченконың Украина билігіне Қырымнан бас тартып, Донбасты алу туралы ұсынысына келіспейтінін білдірді.
Сонымен қатар, Кремльдің ресми өкілі Ресейдің Украина оңтүстігіндегі ахуалды реттеуге күш салып жатқанын айтты.
Дереккөз: egemen.kz