Ұлттық экономика министрі теңге бағамына қатысты түсініктеме берді
Ұлттық экономика министрi Тимур Сүлейменов Ресейге қарсы санкциялардан кейiнгi теңге бағамының өзгерiсiне қатысты түсiнiктеме бердi.
Бұл туралы Baq.kz хабарлады.
Атап өтсек, бүгін елiмiздiң валюта айырбастау пунктерінде доллар бағамы шамамен 5 теңгеге көтерілді. Қазақстан қор биржасында теңгенің долларға шаққандағы бағамы 324,62 көрсетті, осыған дейін 319-320 теңге болатын.
«Санкциялар жарияланғаннан кейiнгi бiрiншi сауда күнi (санкциялар 6 сәуiр күнi жарияланған) нарық бұны жаман қабылдады. UC Rusal өз акцияларын бiршама түсiрiп алғандықтан ресейлiк рубльдiң коррекциясына куә болдық. Бiрiншiден, бiздiң экономикаға ықпалын бағалау үшiн бұның екi-үш күн бойы қалай дамитынын бақылауымыз керек. Себебi, нарықтар бұны, әсiресе, кейбiр мәселеге саясат араласқандағы жағдайды жаман қабылдайды.
Сондықтан, бастапқыда Ресейде жағдай қалай дамитынын қадағалауды ұсынамын. Егер рубль төмендей берсе және бұл жүйелi сипатқа ие болса, онда бiз белгiлi бiр әсердi сезiнуiмiз тиiс. Бұл жерде бiзге Ұлттық банкпен жұмыс жасау керек болады.
Бүгiн премьер-министр төрағалығымен Экономикалық саясат жөнiнде кеңес өтедi. Сонда осы мәселе қаралады. Бiз санкциялардың бiздiң экономика, яғни сауда, инвестициялар мен валюта бағамына әсерiн бағалаймыз», – дедi Сүлейменов.
Үкiмет отырысынан кейiн берген сұхбатында министр елiмiзде баға мен валюта бағамы – нарықтық екенiн айтты.
«Сәйкесiнше, нарық агенттерi кез келген жаңалықты «сезедi». Яғни, белгiлi бiр психологиялық субъективтi реакция болады», – дедi Тимур Сүлейменов.
Министр сөз соңында бұл өзгерiстi девальвация деп атауға келмейтiнiн айтты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе