Ұлттық банк теңгенің әлсіреуіне байланысты түсініктеме берді
Бүгін елімізде валюта айырбастау пунктері мен Қазақстан қор биржасында доллар бағамы шамамен 5 теңгеге көтерілді. Осыған байланысты Ұлттық банк төрағасының орынбасары Алпысбай Ахметов Үкімет кулуарында түсініктеме берді, деп хабарлайды Baq.kz .
«2015 жылы тамыз айынан бастап теңге еркін айналымға жіберілді. Сондықтан теңге бағамына Ұлттық банк әсерін тигізе алмайды. Курсты ұсыныс пен сұраныс анықтайды», – деді Алпысбай Ахметов.
«Бұл девальвация емес, тек валюта бағамының ауытқуы. Ұлттық банк интервенция істемейді. Егер де іргелі факторлар дұрыс болса, егер де сауда-саттық алып-сатарлық болмаса, сұраныс пен ұсыныс іргелі факторға байланысты болса, Ұлттық Банк интервенция істемейді. Бұл 2015 жылы тамыздан бастап шешілген мәселе», – деді Алпысбай Ахметов.
Айта кетсек, Қазақстан қор биржасында теңгенің долларға шаққандағы бағамы бүгін 324,62 көрсетті. Осыған дейін 319-320 болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе