Ұланғасыр Қами бас бостандығынан айырылуы мүмкін
«Әйелдерін хиджаб кимегені үшін өлтіріп жатыр» деген әнші Ұланғасыр Қамиге бас бостандығынан айырылу қаупі төнді. Басы дауға қалған әншінің сөздеріне құқықтық баға берілмек.
Қоғам белсендісі Саида Сисембаева ішкі істер министрлігіне әншінің үстінен арыз түсірген. Белсенді Қами қылмыстық кодекстің 174 бабын бұзды деп санайды. Яғни әлеуметтік, гендерлік, діни алауыздықты қоздырған. Әрі мұны әйелдерге жасалған зорлық-зомбылықты ақтау әрекеті деп атады.
«Өткенде артистеріміз – Қайрат Нұртас болсын, басқаның болсын жазаға тартылғанын көрсетіп жатқаны өте дұрыс. Себебі адамдар «бұдан құтылып кетуге болады ғой, басқа тәсілдері бар» деген ойдан аулақ болып, қандай да бір әкімшілік, қандай да бір заңға қайшы әрекет жасағанда, оған тиісті жаза бар екенін біледі», – деді заңгер Нұрболат Ибраев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе