Үкімет меншіктеп алған жер телімдерін мемлекетке қайтарудың жолын тапты
Үкімет жайылымдарды мемлекетке қайтарудың жолын тапты. Олар гектарлап меншіктеп алған жер телімдерін тартып алмақшы. Сөйтіп, ол жайылымға өріс таппай отырған ауыл жұртының ортақ меншігіне беріледі. Сенат бүгін жер қатынастары жөніндегі заң жобасын мақұлдады.
Бұл туралы КТК хабарлады.
«Осы мақсатта айқындалған жайылымдарды жалға беруге тыйым салынатын болады. Сонымен қатар, бүгінгі күні елдімекендердің маңындағы жайылымдардың көбі жеке және заңды тұлғаларға беріліп кеткенін ескеріп, ол жерлерді қайтару мемлекеттік мұқтажға жатқызу заң жобасымен белгіленіп отыр»,-дейді ҚР Ауылшаруашылығы министрі Өмірзақ Шөкеев.
Ауыл жұрты бүгінде жайылым үшін 27 миллион гектарға мұқтаж. Сондықтан, министрлік кәсіпкерлерге беріліп кеткен алқап-алқап жер аумақтарын мемлекет меншігіне қайтарып алу үшін 180 миллиард теңге жұмсайын деп отыр.
Ол бюджетте қарастырылып та қойылған. Сонымен бірге, жеке тұрғын үй салуға 173 мың гектар қажет. Ол үшін қазынадан тағы 1 миллиард теңге бөлінбек.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе