Петропавл қаласында жарамсыз тұрмыстық техниканы қабылдау орны ашылды.
Кәсіпкер Қайыржан Айсин істен шыққан компьютер, теледидар, тоңазытқыш, кір жуғыш машиналарын сатып алып, Қазақстан мен Ресей елдеріне қайта өңдеуге өткізеді деп хабарлады “Хабар-24” телеарнасы.
Қайыржан Айсин, кәсіпкер:
– Бұл – экологиялық жоба. Жарамсыз тұрмыстық техника полигонда жағылады. Ал оның қоршаған ортаға тигізетін зияны оразан зор. Сондықтан осы істі қолға алдық. Ескі бұйымдарды тапсыруға болады. Керек десеңіз, үйіңізден алып кетеміз.