Нұр-Сұлтан
Қазір
1
Ертең
-1
USD
449
-1.43
EUR
484
-3.48
RUB
4.86
0.00

“Үй қамағы несі?”. Гүлзира Айдарбекова келіні жайлы шындықты жайып салды

276

Бұл туралы Гүлзира Үсенқызы Stan.kz тілшісіне берген эксклюзивті сұхбатында айтып берді.

Гүлзира Айдарбекованың айтуынша, желіге Қайраттың отбасының суреттерін жүктеп, келіншегінің атынан әртүрлі жазбалар қалдырып жүрген жан – Жұлдыздың өзі емес.

“Оның бәрін жазып отырған Жұлдыз емес. Біреулер әдейілеп жасап отыр. Оны Жұлдыздың өзі тауып алғысы кеп жүр. Жұлдыздың уақыты болып жүрген жоқ, түсірілім болды дегендей… Енді осыны қолға алғысы келіп жүр. Жұлдыз болып отырады. «Жандарым, балаларым менің бақытым» деп бірдеңені салып. Ол кім бірнәрсе салса, соны түсіріп алып, скриншотқа түсіріп, салып жатады. Өзі салып жатқан сияқты қылып, шығарады. Әйтпесе оның күнделікті қанша суреті бар, өзі болса, соны шығарар еді. Басқа адам, оның кім екенін Жұлдыз да таппай жүр», – деп ағынан жарылған Гүлзира Үсенқызы Жұлдыз Абдукаримова есімді келіні барын, ұлы Қайраттың үйленгенін айтып қойғандай болды.

https://kaz.365info.kz/yryp-tabady-eken-ajratty-anasy-lyny-ansha-tabatynyn-a-damaj-ajtyp-aldy-video-239660

Продюсердің пікірінше, жалған парақшаны Жұлдыздың өмірінен хабардар құрбыларының бірі ашқан болуы мүмкін.

«Мүмкін құрбыларың салған шығар десем, оларды жамандыққа қимайды. Өзі достары да көп емес. Ақша төлесек те, анықтауға болатын шығар. Енді соны қарастыру керек, әйтпесе болмайды», – дейді Гүлзира Үсенқызы.

Бір қызығы, халық желідегі жазбалардың авторы ретінде Қайраттың анасын айыптап жүрген көрінеді.

«Елдің бәрі мен деп ойлап жүр. Бірақ бұл бәрімізге жұмбақ болды. Жұлдыздың өзі де таңғалады. Қайраттың келіншегі әлі парақша ашқан емес. Атын қолданып біреу кіріп алған. Тексеріп, сотқа береміз деп бір сілкіп алатындай шаралар қолдануға болады. Жұлдыз да әбден күйді осыдан»

– деді Гүлзира Үсенқызы.

Продюсер “келінін жұрттан жасырып, үй қамаққа алған” деп ойлайтындарға да өз жауабын берді.

«Жұрт ойлағандай, Жұлдыз – біреудің етегіне қарап отырған жан емес, оның да өзінің ойы, арманы бар. Қасында жүргеннен кейін іштарлық болады, қыздар қызғанады. Сосын қалай да кедергі жасауға тырысады. Жұлдыздың арманы – дәл қазір шыға салу емес. Оның өзінің арманы бар. Мен сол бойынша жұмыс істеп отырмын, ақылдасып, кеңесіп», – деп мәлімдеді Қайраттың анасы.

https://kaz.365info.kz/bojdakh-eken-goj-khajrattyn-anasy-adal-kelin-izdep-zhyr-254873

Қайратты бүкіл Қазақстан мен көршілес елдерге танытқан, өзіне сенімді әрі тәжірибелі продюсер енді келінінен жарық жұлдыз жасаса таң қалмаңыз. Гүлзира Айдарбекова соңғы кездері күйеуі Нұртас Айдарбековты да актерлық және әншілік жағынан қолдап, кәсіби шеберлігінің арқасында танымалдығын арттыруға күш салып жүр. Бұған дейін Гүлзира ханым Қайраттың келіншегі туралы жақ ашпайтын. Тіпті, ұлының үйленгені немесе бойдақ екені жайлы сұрақтарға мүлде жауап бермейтін.

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз