АҚШ-тың Нью-Йорк қаласында БҰҰ-ның халықаралық конференциясына қатысушылар ядролық қаруға толық тыйым салу конвенциясын қабылдады.
БИ-би-сидің хабарлауынша, құжатты 50 мемлекет бекітсе, ол енді 90 күннен кейін күшіне енетін болады.
Келісімде құжатты бекітуші мемлекет ядролық қаруды жасау, сынау, иемденуден бас тартатындығы және оны қолданып, қоқан-лоқы көрсетпейтіндігі айтылған. Сонымен қатар басқа елдің де жойқын қаруын өз аумағына орналастыруға тыйым салынады.