WBC Головкин-Альварес жекпе-жегіне тігілген белдікті таныстырды (фото)
Дүниежүзілік бокс кеңесі (WBC) қазақстандық боксшы Геннадий Головкин (37-0, 33 КО) мен мексикалық Сауль Альварес (49-1-1, 34 КО) жекпе-жегінің жеңімпазына арналған арнайы белдікті таныстырды.
Бұл туралы ҚазАқпарат хабарлайды.
Арнайы белдікке 16 қыркүйек деген жазу ойылып жазылған, сондай -ақ екі жағында Қазақстан және Мексика елінің мемлекеттік туы бейнеленген. WBC Головкин-Альварес жекпе-жегіне тігілген белдікті таныстырды.
Айта кетейік, WBC ұйымы бұған дейінгі үлкен жекпе-жектерге де арнайы белдіктер дайындаған. Оған мысал ретінде Макгрегор-Мейвезер айқасына әзірленген бір жарым келі 24 қаратты алтын, сондай-ақ 3360 гауһар тас, 600 жақұт және 160 зүмірет тас қолданылған «бағалы белбеуді» айтуға болады. Ал осы жылдың 3 мамырында Альварес пен оның отандасы кіші Чавес арасындағы айқасқа арнайы дайындалған белдікте Қазақстан туы алғаш рет ұйымға мүше ел ретінде бейнеленді.
Еске сала кетейік, Альварес Головкинмен болатын жекпе-жегінде WBC белдігіне таласудан бас тартқан болатын. Оған себеп, 2015 жылы қараша айында Сауль Альварес кубалық Мигель Коттодан орта салмақтағы WBC титулын жеңіп алды. Жекпе-жектен кейін Дүниежүзілік бокс кеңесі (WBC) Альвареске міндетті қарсылас ретінде қазақстандық Геннадий Головкинді белгіледі. Қортындысында, Альварес титулдан бас тартқан болатын.
Серіктестер жаңалықтары
© «365 Info», 2014–2023 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз