Универсиада ойындарында Қазақстан қоржынына қос алтын медаль түсті. Бірі қазақстандық могулшы Юлия Галышеваның еншісінде болса, бірі могулшы Дмитрий Рейхердке тиесілі.
Бүгін Шымбұлақ тау-шаңғы шипажайында қыздар арасындағы параллельді могулден сайыс мәресіне жетті. Бұл қашықтықта қазақстандық Юлия Галышева жеңіске жетті. Бұл – оның Алматыдағы Универсиададағы екінші алтын медалі.
Ерлер арасында могулшы Дмитрий Рейхерд Қазақстан құрамасының қоржынына 8-ші алтын салды. Бұл да оның Алматыда өтіп жатқан Универсиададағы екінші алтын медалі. Сонымен қатар, бұл қашықтықта отандасымыз Павел Колмаков қола медальға қол жеткізді.
Еске сала кетейік, Дмитрий Рейхерд кеше Қазақстан қоржынына 5-ші алтынды салған болатын. Сонымен, қазіргі есеп бойынша, Қазақстан құрамасы қоржынында 8 алтын, 2 күміс, 8 қола бар.