Универсиада қызметкерінің жүрегі сыр беріп, қайтыс болды

1 ақпан 2017, 9:23

28-ші Дүниежүзілік қысқы Универсиада дирекциясының бастығы Наиль Нуровтың айтуынша, қайғылы жағдай 31 қаңтар күні кешкісін “Сұңқар” шаңғы трамплині кешенінде орын алған.

“Біздің қызметкерлеріміздің бірі өзін жайсыз сезініп, реанимобиль шақырдық. Ол 7 минуттан кейін келді“, – дейді Нуров.

Дәрігерлер 40 минут бойы Бауыржан Рафиктовтың өмірі үшін жанталасты, бірақ олар шарасыз болды. Алдын-ала мәлімет бойынша, қызметкердің өліміне жүрек талмасы себеп болуы мүмкін“, — деп қосты ол.

Қайтыс болған жігіттің дирекцияда жұмыс істеп жүргеніне әлі бір ай да толмапты. Оның артында қарт анасы, әйелі мен екі баласы қалыпты. Марқұмды жерлеу шығыны мен оның отбасына өтемақы төлеуді дирекция өз мойнына алмақ.