Түркия Конституциясына өзгерістер енгізу бойынша 16 сәуір күні өткен референдумдағы дауыс санау жұмыстары аяқталды.
Президенттік басқару жүйесін енгізуді жақтаушылар жеңіске жетті. Дегенмен президенттік басқару жүйесін қолдушылар мен оған қарсылардың арасындағы айырмашылық аса үлкен емес, деп хабарлайды ТАСС-қа сілтеме жасап, Қазақпарат хабарлады.
«Бюллетеньдерді өңдеу шараларының алдын ала нәтижелері референдумда «иә» деп дауыс бергендер саны 1,25 млн-ға көп болды, барлығы – 24,5 млн. Дауыс беру қорытындылары «иә» деп отыр. Толық қорытынды нәтижелер кемінде 11-12 күннен соң белгілі болады», – деді Гювень.