Түркіменстанда алтын жалатылған Ниязов ескерткіші алынып тасталды
Ашхабадта ішкі істер министрлігі алдында орналасқан Түркіменстанның бұрынғы президенті Сапармұрат Ниязовтың ескерткіші алынып тасталды.
Бірнеше ай бұрын ескерткіштің айналасы жөндеу жұмыстарына байланысты қоршалған болатын. Жергілікті тұрғындардың айтуынша, ескерткішті демонтаж жасауға төрт ай уақыт кеткен.
Түркіменстан билігі бұрынғы президенттің ескерткішін алу жөніндегі жоспарды осыған дейін хабарламаған. Кейін де түсініктеме бермеді. Жергілікті БАҚ-та бұл жөнінде ешнәрсе жазбады. Алтын жалатылған ескерткіш 2000 жылдың басында орнатылған болатын.
1985-2006 жылдары Сапармұрат Ниязов елді басқарып тұрған уақытта Түркіменстанда оған арнап жүздеген ескерткіш пен мүсін қойылған.
Ашхабадтың орталық алаңындағы “Бейтараптық монументі” жанында орын тепкен ең ірі алтыннан жасалған Түркіменбашы ескерткішін 2011 жылы алып тастады. Ресми мәлімет бойынша ескерткішті сүруге 50 миллион доллар жұмсалған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз