Тұрғын үй құрылыс жинақ банкінің басқарма құрамы өзгерді
Бүгіннен бастап Әлия Айдарбекова, Жанар Жұбаниязова және Мирас Бейсембаев “Тұрғын үй құрылыс жинақ банкі” АҚ (Бәйтерек Холдингінің еншілес ұйымы) Басқарма төрайымының орынбасарлары қызметіне кірісті.
Бұл туралы банктің баспасөз қызметі хабарлады.
Баспасөз қызметінің мәліметінше, басқарма құрамының өзгеруі үстіміздегі жылдың 31-ші наурызында “Бәйтерек” ұлттық холдингі АҚ Басқарма төрағасы Ерболат Досаевтың төрағалық етуімен өткен банктің директорлар кеңесінің отырысында мақұлданған.
Жанар Жұбаниязова бұған дейін “Евразиялық банк” АҚ Басқарушы директоры – шағын және орта бизнес Департаментінің директоры қызметін атқарып келді. Енді Тұрғын үй құрылыс жинақ банкінің даму бойынша блогын бақылайтын болады.
Мирас Бейсембаев бұған дейін “Даму” қоры Басқарма төрағасының орынбасары лауазымында қызмет атқарды. Банкте ол сатып алу және құқықтық мәселелерге жетекшілік ететін болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе