Түргенде 8 жасар қызды зорламақ болған қылмыскерге сот үкімі шықты
Алматы облыстық мамандандырылған ауданаралық қылмыстық істерді қарайтын сот Еңбекшіқазақ ауданының 32 жастағы тұрғынына қатысты үкім шығарды.
Бұл туралы облыстық соттың баспасөз қызметі хабарлайды.
Давранбек Қозыбағаров 8 жасар қызды жыныстық мәнде зорламақ болды деген баппен айыпталған болатын.
“Сот үкімімен Давранбек Қозыбағаров ҚР ҚК 121 бабы бойынша (жыныстық мәндегі зорлық әрекетін жасау) айыпты деп танылып, 20 жылға бас бостандығынан айырылды. Сонымен қатар, ол кәмелетке толмаған балалармен жұмыс істейтін педагогтық қызметпен өмір бойына айналыса алмайды. Үкім заңды күшіне енген жоқ”, – деп хабарлады сот.
Еске сала кетсек, 14 сәуір күні Түргенде мектептен қайтып келе жатқан 8 жасар қызға ер адам шабуыл жасайды. Ол қыз баланы қорқытып, таспен ұрып зорлық жасаған. Қыз баланы 11-сынып оқушысы құтқарып қалыпты. Бұған дейін оқиғаға облыстық ІІД түсініктеме берген болатын. Оқушыға осы ерлігі үшін оқу гранты берілген еді.
Дереккөз: Stan.kz
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз