Астанада өрт салдарынан апалы-сіңлі бес қыздың өлімі қазақстандықтарды дүр сілкіндірді, сондай-ақ көпбалалы отбасылардың мүшкіл жағдайы мәселесін тағы көтерді.
Астанадан жеткен қара хабар блогерлік қауымдастықты Әбілқасымованың айтқан сөзін қайта еске алдырды: «мемлекеттен миллиондап ақша алатын ата-аналар» неге түнделетіп жұмыс істеуге мәжбүр? – дейді блогерлер.
Философия ғылымдарының докторы Кеншілік Тышханның өлеңі көпті тебірентіп, көзге жас алдырды.
Еске сала кетейік, Астанада жекеменшік үйдегі өрт салдарынан бес бала қаза тапты. Қайғылы оқиға Сарыарқа ауданы Шыңғыстау көшесінде болды. От сөндіру барысында 2006, 2008, 2013, 2015 және 2018 жылдары дүниеге келген бес баланың мәйіті табылған.