“Түгімді қалдырмады”. Қарағандыда күйеуін өлтіртпек болған келіншек ұсталды
Қарағанды облыстық ішкі істер департаменті ұйымдасқан қылмыспен күрес басқармасының қызметкерлері тапсырыспен адам өлтірмек болған күдіктіні құрықтады.
Бұл туралы Қарағанды облысы ішкі істер департаментінің баспасөз қызметі хабарлады.
“15-наурызда облыстық ішкі істер департаментінің ұйымдасқан қылмысқа қарсы күрес басқармасына Қарағанды қаласындағы 41 жастағы келіншектің өз күйеуін өлтіруге тапсырыс беруге ниетті екені белгілі болады. Бұл факті бойынша сол күні-ақ сотқа дейінгі тексеру жұмыстары басталды. Полицейлер тапсырыс берушінің 46 жастағы күйеуін тауып, оның қауіпсіздігін қамтамасыз етті.
Арам пиғылды келіншек киллерге ақша мен өлтіруі тиіс адамның фотосын беріп жатқан жерінен ұсталды
”, – деп хабарлады облыстық ІІД баспасөз қызметі.
Келіншек өз жасаған қылмысын мойындап, қазіргі кезде уақытша тергеу изоляторында отыр. Тергеу кезінде ол өз күйеуін өлтіруді бірнеше жыл бойы жоспарлағанын, оған енді ғана мүмкіндігі болғанын айтыпты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе