Туған әкесін пышақтап өлтірген қызға үкім шықты
Қостанай облысында кәмелеттік жасқа толмаған қызды туған әкесін өлтіргені үшін соттады. Оқиға 2018 жылы 3 қаңтарда Меңдіқара ауданында болған, деп хабарлайды “Наша Газета” басылымы.
Хабарланғандай, 17 жастағы қыз тұрмыстық жанжал кезінде әкесіне пышақ салған. Ер адам сол жерде жан тапсырыпты.
Қостанай облысының қылмыстық істер бойынша мамандандырылған ауданаралық сотында қылмыстық іс жабық режимде қаралды. Үкім 18 сәуірде шығарылған.
Бастапқыда сотталушыға ҚР ҚК 99-бабы (“Кісі өлтіру”) бойынша айып тағылған болатын. Бірақ кейінірек оқиғаның мән-жайы анықталып, іс ҚР ҚК 102-бабы бойынша қаралды.
Сот қызды бір жылға бас бостандығын шектеу жазасына кесіп, сот залында қамаудан босатты.
Белгілі болғандай, қыздың әкесі маскүнемдікке салынған екен. Сотталушы Қостанай қаласындағы колледжде оқиды, ата-анасына қысқы каникул кезінде барған.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз