Трамп АҚШ-ты Транстынықмұхиттық әріптестіктен шығаруды тапсырды
Трамп Транстынықмұхиттық әріптестікті одан АҚШ-тың шығатыны туралы жазбаша хабардар етуді тапсырды.
Америка Құрама Штаттарының президенті Дональд Трамп АҚШ-тың сауда өкіліне Вашингтонды Транстынықмұхиттық экономикалық әріптестік жөніндегі келіссөздерден шығаруды тапсырды, деп жазады РИА Новости.
“Мен сізге Транстынықмұхиттық әріптестік туралы келісімге қол қойған елдер қатарынан АҚШ-ты шығарып, АҚШ-ты келіссөздерден тұрақты негізде шығаруды, сонымен қатар, мүмкіндік бар жерде америкалық өнеркәсіпке қолдау жасау үшін, америкалық жұмысшыларды қорғау және олардың жалақыларын өсіру үшін екі жақты сауда-саттық келіссөздерін бастауды бұйырамын”, — делінген АҚШ-тың сауда келіссөздердегі өкілінің атына жазылған меморандумда.
Айта кетелік, бүгіндері бұл ұйымға 12 мемлекет мүше. Өзара келісімге отырған олардың арасында еркін экономикалық аймақ құрылған. Бұл келісімге 2016 жылдың 4 ақпанында қол қойылған. Оған даярлық 2003 жылдан басталады. Оның басым бөлігі – Тынық мұхитын жағалай орналасқан елдер.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе