«Төрешілердікі өтірік». Головкин-Альварес кездесуінің шын есебі 181:82 болып шықты!
17 қыркүйекте Лас-Вегаста Геннадий Головкин мен мексикалық Сауль «Канело» Альварес арасында тартысты жекпе-жек өткен болатын. Алайда көптен күткен кездесудің нәтижесі бокс сүйер қауымның көңілінен шықпады.
Әсіресе жеңісті 118:110 есебімен Альвареске берген төреші әйел Эделейд Берд танымал боксшылар мен сарапшылардың сынына іліккен еді.
Бүгін Artorias Boxing Youtube-арнасы жекпе-жекке қатысты өз талдауын жүргізіп, әр раундта қай боксшы қанша нақты әрі таза соққы жасағанын есептеп көрді. Жаңа сараптамада келтірілген цифрлар жекпе-жекке төрелік еткен үш төрешінің де қателескенін көрсеткен, деп хабарлайды Baq.kz ақпарат агенттігі Vesti.kz-ке сілтеме жасап.
Головкин – Альварес:
1-раунд: 8:8
2-раунд: 11:8
3-раунд: 10:9
4-раунд: 16:6
5-раунд: 17:5
6-раунд: 15:6
7-раунд: 15:4
8-раунд: 21:6
9-раунд: 13:5
10-раунд: 25:12
11-раунд: 13:4
12-раунд: 17:9.
Осылайша, сәтті жасалған соққылар бойынша 181:82 есебімен қазақстандық боксшы айқын басымдықпен жеңген.
Естеріңізге салып өтсек, WBA (Super), IBO, WBC және IBF тұжырымдары бойынша әлем чемпионы Геннадий Головкин (37-0-1, 33 КО) мен мексикалық Сауль «Канело» Альварестің (49-1-2, 34 КО) арасындағы жекпе-жек тең аяқталған болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе