Тобыл өңіріндегі Құсмұрын көмір тілімінен мамонттың азу тісі табылды. Палеонтологиялық құндылық – облыстық өлкетану музейінің қорына тапсырылды.
Алып жануардың азуы көмір қазу кезінде табылған. Тасқа айналған көне қалдықты кәсіпорынның техникалық директоры Антон Филиппов музейге алып келген, деп хабарлайды Астана арнасы.
“Жүнді мамонт қалдықтары біздің жақта жиі кездеседі. Соған қарағанда, алып жануарлар біздің аймақта көп болғанға ұқсайды. Алайда, көне қалдықтардың көбі нашар сақталған. Ал көмір тілімінде табылған азу тісті арнайы өңдеуден өткіземіз. Егер экспозициялық құндылығы тәуір болса, келушілер назарына ұсынылады. Ал, нашар болса, әрмен қарай зерттеліп, музей қорында сақталады”, – дейді Қостанай облыстық тарихи-өлкетану музейінің бөлім жетекшісі Андрей Андрющенко.