Тоқтар Төлешов ұлды болды. Төңкеріс жасамақ болған, деп 21 жылға сотталған Төлешовтің тоқалдарының арасындағы ең танымалы – Дина Нұралиева, қараша айының басында, шекесі торсықтай ұл сыйлады.
Нәресте 4 келі 100 грамм салмақпен дүниеге келген. Дина баласының есімін Дияс деп атаған. Бұдан бөлек олардың 6 жасар қыздары бар екені белгілі.
Дина Нұралиева «Қазақстан аруы – 2005» атағына ие болған. 2009 жылғы «Әлем аруы» байқауында топ-16 арудың тізіміне кірген.
Дизайнерлік қырынан танылып үлгерген Нұралиева ханымның бүгінде Шымкентте Италиядан әкелінетін бірнеше сән бутиктері жұмыс істейді. Ол Шымкент қаласының орталығында орналасқан өзінің зәулім сарайында тұрып жатыр.
Ақпарат көздері Тоқтар Төлешовтің төрт әйелінен 13 баласы барын жарыса жазған болатын.