Теміртауда жоғалып кеткен ер адам өлі табылды

Теміртауда таңертең үйінен шығып кеткен ер адам сол күйі кері оралмаған.

Ағымдағы жылдың 18-ші сәуірінде Теміртау қаласының 40 жастағы тұрғыны полицияға хабарласып, 13-ші сәуір күні 45 жастағы ағасы үйінен кетіп, із-түссіз жоғалып кеткендігі туралы шағымданған деп хабарлады Қарағанды облысының ІІД баспасөз қызметі.

Жоғалып кеткен азаматты іздеу үшін жедел-іздестіру тобы құрылды. Олардың бірі Теміртау қаласындағы салынып жатқан үйлердің бірінен денесінде зорлық-зомбылық белгілері бар адамның мәйітінің үстінен түсті. Қылмысты ашу үшін ішкі істер департаменті басшылығымен облыстық ішкі істер органдарының барлық криминалдық полиция күштері жұмылдырылды. Сол күні жедел уәкілдер күдіктінің ізіне түсіп, 39 жастағы Теміртау қаласының тұрғынын құрықтады.