Қарағанды облысының Теміртау қаласында домен күлінің үйінділерінен цемент өндіретін зауыт салынады, деп хабарлайды ҚазАқпарат.
«Компаниямыз бірнеше жылдан бері өндірістік қалдықты өңдеумен айналысып келеді. Таяу мерзімде шлакты қайта өңдеу уаскесі өндірісін жаңғырту және ары қарай дамыту жоспарлануда, ал болашақта домен күлінен цемент өндіретін жаңа зауыт салу көзделіп отыр», – деді «АлбаСтройДор» ЖШС директоры Сергей Ким.
«Жоба өте қымбат, миллиондаған доллар тұрады. Жаңа алаң мен жаңа ғимараттар салу қажет. Қазір «АрселорМиттал Теміртаумен» талқылаудамыз. Егер барлығы бекітілсе 2017 жылы жобалық-сметалық құжаттамаға тапсырыс береміз. Зауытты шамамен екі жылда тұрғызамыз деген ойдамын», – дейді С. Ким.
Кәсіпорын Еуропа қайта құру банкінен қаржылық қолдау күтеді.
«АлбаСтройДор» ЖШС «АрселорМиттал Теміртау» АҚ-мен келісімшарт бойныша домен цехының күлді қайта өңдейтін учаскесін аутсорсингке алған болатын. Кәсіпорында 200 адам еңбек етеді. Компания өндірістік қалдықты қайта өңдеуді арттырып және дайын өнімді өткізуде жолға қойды.