“Тегіңнің өзі айтқандай – Құдайберген”. Қазақ халқы атынан Димашқа бата берілді (видео)
Қытайда “Мен әншімін” атты байқауда өнер көрсетіп, бар қазақтың мейірін асырып жатқан әнші Димаш Құдайбергенге бүкіл қазақ халқы атынан бата берілді.
Оны әзірлеп, Интернетке жүктеген талдықорғандық асаба Ербол Оразбеков деген азамат. Оның батасы өлең түрінде келеді:
…Таныстырған кезде де ерекшесің
Тегіңнің өзі айтқандай – Құдайберген.
Шүкір дейміз, Құдайдың бергеніне
Перзенттік пайдаң тиді елге, міне
Қазанаттай қанатты шабысыңмен
Алды болып қидың ғой көнбенің де
Тыңдағанда тамаша ерен екен
Қос әншінің баласы құр бола ма
Қасқадан төбел туар деген екен
…Тегінде түгел жүйрік болса егер
Құрсағында құр тұлпар жата ала ма?..
Жүйріксің дара, шабар аламанда
Бәрі бірдей сен құсап шаба ала ма?
Ағаң болып батамды берейінші
Жәрдем болсын бауырым, саған Алла!
Жұлдызыңды Жаратқан жақты бүгін
Топқа түсіп, көрінді нақты құның
Айтқан тілек, берген бата қабыл болып
Берсін Алла өзіңе сәттілігін!
…Ағалық айтып жатқан тілегімді
Жалпы қазақ атынан деп қабылдарсың!
Оқылған бата өлең Димаш Құдайбергеннің сахнадағы видео слайдтарымен әрленген. Әлеуметтік желіде қазақ халқы атынан берілген бұл батаға барша “Аумин!” десіп, көптеп бөлісіп жатыр.
https://www.youtube.com/watch?v=Uve1t1ucRTY
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе