Театр және кино актрисасы Зарина Кармен подкаст барысында театр өнерінің маңыздылығы мен оның болашағы туралы ойын білдірді. Оның айтуынша, театр мәдениеті жаңа деңгейге көтерілуі тиіс.
«Шам» театрының мақсаты – театрды өнер сүйетіндер үшін эксклюзивті орынға айналдыру. Қазір студенттер театрға арзан билет үшін келеді. Бірақ театрдың құндылығы артуы үшін билетке қол жетпестей көрінуі керек. Ол үшін адамдар қойылымға билет алуды маңызды оқиға ретінде қабылдауы тиіс. Қымбат билет – көрермен үшін театр өнерін бағалаудың бір жолы», – деді актриса.
Актрисаның пікірінше, театрға келушілердің 80%-ы – алғаш рет келген көрермендер. Осы себепті, ол әріптестерімен бірге театр мәдениетін көтеру арқылы өнерге деген қызығушылықты арттыруға тырысып жүргенін айтты.