Тәжікстанда баласының денесіне ине қадаған әйелдің үстінен қылмыстық іс қозғалды
Тәжікстанда он бір айлық баланың анасы Ресейдегі күйеуін үйге қайтару үшін нәрестенің денесіне ине тыққаны белгілі болды, деп хабарлайды Sputnik Қазақстан агенттігі
Душанбедегі медициналық орталыққа түскен сәбиді қараған дәрігерлер оның бас сүйегіне, мұрнына, аяғына, мойнына, кеудесіне инелер тығылғанын анықтайды.
“Душанбеден 15 шақырым жердегі ауылдың 26 жастағы тұрғыны ұлының денесіне 10 металл инені әдейі тыққан. Ол мұны Ресейде жұмыс істеп жүрген 30 жастағы күйеуін үйге қайтару үшін жасаған. Әйелдің үстінен қылмыстық іс қозғалды”, — деп хабарлады Тәжікстанның ішкі істер министрлігі.
Бұған дейін мұндай оқиға Өзбекстанда болған еді. Он бір айлық бала ауруханаға өте ауыр хәлде жеткізілді. Дәрігерлер оның денесінен 16 ине тапты, оның тек 13-ін алып шыға алған.
Сондай-ақ, елімізде Түркістан қаласында болған осындай жағдай жұртты шошытқаны есімізде. Биыл наурыз айында қоғам белсендісі Аружан Сайын бір жарым жасар қыздың денесінен ине табылғанын хабарлады.
Бала тұрмысы жақсы отбасында тұрады, ата-анасы тағы екі бала тәрбиелеп отыр. Сәбидің денесіне ине қалай кіргенін анықтау мүмкін болмады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе