«Таза Қазақстан»: Қарағандыда Құрылысшылар даңғылы тазартылды
Қарағанды қаласында «Таза Қазақстан» республикалық экологиялық акциясы аясында санитарлық тазарту жұмыстары жүргізілді. Қала әкімдігінің қолдауымен ұйымдастырылған шарада Мұқанов көшесінен Шахтерлер даңғылына дейінгі аралықта, яғни 5 шақырымнан астам Құрылысшылар даңғылы тазартылды.
Акцияға 100-ден астам тұрғын қатысты. Олардың қатарында еріктілер, жеке ұйымдардың қызметкерлері, коммуналдық қызмет мамандары, қоғам белсенділері мен жай ғана бей-жай қарамайтын қала тұрғындары бар.
«Біз «Таза Қазақстан» бастамасын шынайы қолдаймыз. Тазалық пен көркейту – тек коммуналдық қызметтердің емес, әрбір азаматтың міндеті. Бүгінгі шара қарағандылықтардың ортақ іске жұмыла алатынын дәлелдеді. Осындай акциялар қоршаған ортаға ұқыпты қарау мәдениетін дамытып, азаматтық жауапкершілікті нығайтады деп сенемін», – деді экологиялық ерікті Заңғар Серіков.
Мұндай экологиялық бастамалар қала көшелерінің санитарлық жағдайын жақсартумен қатар, қоғамды біріктіріп, еріктілер қозғалысының өркендеуіне жол ашады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе