Таразда жұмыстан босатылған қызметкерді жерден алып, жерге салған басшы жазаланды.
Осы видеоға қатысты қызметтік тергеу жүріп жатыр, деп хабарлайды ҚР Мемлекеттік кірістер комитетінің модернизация басқармасының басшысы Жамбыл Сұрағановқа сілтеме жасап, Тengrinews.kz. Оның айтуынша,
әйел адамға қатаң сөгіс жарияланған.
Мемлекеттік кірістер комитетінің мәліметінше, видеодағы оқиға 2017 жылы тамызда болған.
“7-тамызда осы дерекке қатысты қызметтік тергеу аяқталды. Соның қорытындысы бойынша, басшыға қатаң сөгіс жарияланды”, – деді Сұрағанов.
“Видеодағы басшы, болжаммен,
Жамбыл облыстық мемлекеттік кірістер департаментінің қызметкері.
Осы орайда МКМ басшысының жарлығымен қызметтік тексеріс басталды. Сонымен қатар, ҚР ҚМ Мемлекеттік кірістер комитетінің әдеп бойынша құзырлы мекеменің бақылауында болады”, – деді Сұрағанов.
https://kaz.365info.kz/ej-bokhmyryn-tarazda-bir-shendi-zhymysshysyn-zherden-alyp-zherge-saldy-video-287584
Айта кетейік, даулы видео 2017 жылы 1-қазанда әлеуметтік желіде тарады. Видеода қыз баланың басшысына келіп, жұмыстан неліктен босатылғаны жайлы сұрағанын байқауға болады. Қыздың айтуынша, ол еңбек демалысына шыққан кезде, заңсыз түрде жұмыстан босатылған. Мұны естіген басшының реакциясы күрт өзгерді.
“Аузыңды жап! Сен маған не үшін шығарылғаныңды сұрамақпысың?! Сен көкжалқау, адамгершілік туралы маған айтпақшымысың! Мен сені қайдан көтеріп алғанымды ұмыттың ба? Сен осында отырып, ұйықтағаннан басқа ештеңе білмейтінсің. Жаз арызыңды. Сен сияқтыларды талай сындырғам. Маған адамгершілік жайлы айтпайақ қой”, – деді басшы.