7-қарашада түнде Тараз сауда үйінің 18 дүңгіршегі жанып кетті.
Өңірлік ішкі істер департаменті баспасөз қызметінің мәліметі бойынша, сауда үйін біреулер қасақана өртенегені болуы мүмкін. Өйткені алдын ала тексеру кезінде сауда үйіндегі бейнебақылау камерасында екі белгісіз адамның терезені сындырып, жылдам тұтанатын қоспасы бар бөтелкені лақтырып жатқаны түскен жазба тіркелгені анықталған.
– Сағат 4.28-де оқиға орнына өрт сөндіру техникасы мен ТЖД жеке құрамы келді. Көрші дүңгіршектерге таяу орналасқан 5-қабатты тұрғын үйге жалынның таралу қаупі ескеріліп, қосымша күш шақырылды. Өртті ауыздықтау үшін 12 баған пайдаланылды. Тұтастай өртті сөндіруге жеке құрамнан 76 адам, 18 бірлік техника, сондай-ақ ЖЭЖ авариялық күштері, жедел жәрдем қызметі жұмылдырылды.
Аумақты ІІД жергілікті полиция қызметінің қызметкерлері қоршады. Тілсіз жау 5.27-де оқшауланып, 6.10-да сөндірілді. Материалдық шығын анықталуда. 18 дүңгіршек, пластик терезелер, халық тұтынатын тауарлар, аралықтар жанып кетті. Жалын 450 шаршы метрді шарпыды. Жоғары жүктеме, дүңгіршектердің тез жанатын құрылыс материалдарынан салынуы өрттің жылдам жайылуына ықпал етті, – деді Сабыров.
Облыстың ІІД тергеушілері біреу қасақана өртеген деген алдын ала болжамды жария етті.