Алматы облысы ішкі істер департаменті Талғар ауданында болған оқиғаға байланысты мәлімдеме жасады.
Талғар қаласында полиция патрулі жаяу жүргіншіге арналған жолда өтіп бара жатқан кәмелет жасына толмаған баланы қағып кеткен болатын, – деп хабарлайды Tengrinews.kz.
“Жол-көлік оқиғасы Алматы-Талғар тасжолынан 25-ші шақырымында болған, онда Алматы қаласының кәмелет жасына толмаған тұрғыны зардап шеккен. Талғар ауруханасына жатқызылған. Қызметтік көлікте Іле аудандық ішкі істер басқармасының қызметкері болған. Осы іс деректері бойынша ҚР Қылмыстық кодексінің 345-бабы бойынша іс қозғалған. Онымен Талғар аудандық ішкі істер басқармасы айналысып жатыр. Қазіргі уақытта қызметтік тексеріс жүріп жатқандықтан, патрулдік көлікті жүргізген полицей қызметінен уақытша босатылған”, – деді Алматы облыстық ІІД баспасөз қызметінің өкілі Көбейхан Нұрахмет.
Еске салайық, Талғар ауданына қарасты облыстық ауруханасының дәрігерлері жол апатынан зардап шеккен адамның 16.00-де ауыр халде түскенін растаған. Оның жарақатын ескере отырып, жансақтау бөліміне ауыстырылды. “Қазіргі уақытта науқастың халі тұрақты. Ол есін жиды. Оның денсаулығын дұрыс қалыпқа келтіру үшін кешенді шаралар жасалып жатыр”, – деді ауруханадағылар.
https://www.youtube.com/watch?v=rKzmxE9ERMg
https://www.youtube.com/watch?v=mwVKECrbIuY