Тайландта Қазақстаннан барған 8 турист жол апатына ұшырады – БАҚ

Тайландта Қазақстаннан барған 8 турист жол апатына ұшырады. Олар Пхукет аралындағы Hanuman World саябағының аумағында микроавтобуспен болған жол апатынан түрлі деңгейдегі жарақаттар алды, – деп хабарлайды РИА Новости Nation газетінің интернет нұсқасына сілтеме жасап.

Басылымның мәліметінше, микроавтобус жүргізушісі саябақ аумағында келе жатып, көлік тізгініне ие бола алмай, ағашқа барып соғылған. Зардап шеккен он адамның тоғызы жақын маңда орналасқан Dibuk Hospital ауруханасына жеткізілген. БАҚ мәліметінше, Hanuman World саябағы туристер арасында танымал.