Денсаулық сақтау жүйесін цифрландырудың 2017-2018 жылдарға арналған жол картасы әзірленді, деп хабарлайды 24.kz.
Жыл соңына дейін Бірыңғай интеграциялық платформаны пилоттық негізде енгізу көзделген. Оның аясында әрбір азаматтың жеке ұяшығы, яғни денсаулығының электронды паспорты болады.
Бұл жөнінде Денсаулық сақтау министрі Елжан Біртанов Үкімет отырысы барысында мәлімдеді.
Елжан Біртанов, ҚР Денсаулық сақтау министрі:
– Денсаулық сақтау министрлігі мен IBM компаниясының арасында ынтымақтастық туралы меморандумға қол қойылды, оның шеңберінде Watson for oncology денсаулық сақтау саласына жасанды интеллектіні пилоттық енгізу жоспарланған. Қазіргі таңда жоғарыда аталған меморандум аясында пилоттық жобаны өткізу бойынша жол картасы әзірленіп жатыр.