Түркия парламенті басым дауыспен президенттік басқару формасына өтуді қарастыратын конституцияға бірқатар түзетулерді мақұлдады.
Бұл туралы РИА Новости хабарлады.
18 баптан тұратын заңды қабылдауға 339 депутат қолдап дауыс берді. Заң референдумға шығарылды. Ол соңғы шешім қабылдайтын болады.
“Депутаттарға жасалған жұмыс үшін алғыс білдіремін, енді сөз халықта”, — деді Түркия премьері Бинали Йылдыррым парламент депутаттарына қарата.
Түркия Республикасы құрылған сәттен бастап, 1923 жылдан бері әрекет етіп жатқан парламенттіктің орнына президенттік басқару жүйесін енгізуді қарастыратын негізгі заңға өзгерістер жобасын парламентке басқарушы Әділеттікк және даму партиясы енгізді.