Қытайдың денсаулық сақтау және бала туу істері жөніндегі мемлекеттік комитеті гені өзгертілген балалардың туылуына байланысты тергеу жүргізуді тапсырды.
Әлгі ғалым репродуктивтік емделу кезінде жеті жұптың эмбриондарын өзгерткен.
Қазірге дейін бір жүктілік нәтижесін беріп, қараша айында ДНК-сы өзгертілген егіз екі қыз дүниеге келді, дейді ғалым.
Оның айтуынша, мұндағы мақсаттары тұқым қуалайтын кеселдерді жою емес, кәдімгі адамдарда болмайтын ерекше қасиет беру болған. Нақты айтқанда, ВИЧ пен СПИД-ке шалдығу қауіпімен күресу екен.
“11 қарашада баспасөзде СПИД-ке қарсы иммунитеті бар гені өзгертілген балалар туылғаны жайында хабарлады. Комитет бұл жағдайды жіті бақылауға алып, Гуандун провинциясының денсаулық сақтау комитетіне дереу тергеуге кірісу туралы тапсырма берді“,
— делінеді мекеменің хабарламасында.