Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыру мақсатында Қазақстан Республикасының Сыбайлас жемқорлыққа қарсы іс-қимыл агенттігінің «Sanaly urpaq» республикалық жобасы 2018 жылдан бері жұмыс жасап оны Кайыржан Токушев жетекшілік етіп келеді.
Ағымдағы жыл бойы «Sanaly urpaq» жобалық кеңсесі 2019 жылға арналған жұмыс жоспарына сәйкес өз жұмысын табысты аяқтауда. Сыбайлас жемқорлыққа қарсы комиссиялар құрылды, өзгеріс елшілері анықталды. Білім беру саласындағы тұрмыстық сыбайластықтың деңгейін төмендету бойынша іс-шаралардың кешендік жоспары қабылданды. Алматы қаласы Сыбайлас жемқорлыққа қарсы іс-қимыл департаментінің қолдауымен жоғары оқу орындары мен колледждерде парасаттылық мектебі, дәрістік топтар құрылып, жұмыс істеуде.
Сондай-ақ, парасаттылық орталықтары (Абай атындағы ҚазҰПУ, ҚазҰҚПУ, ҚазҰАУ, әл-Фараби атындағы ҚазҰУ. Асфендияров атындағы ҚазҰМУ) құрылып, арнайы жеке құрамы белгіленді. Жобалық кеңсе ғылыми-тәжірибелік іс-шараларды ұйымдастыруға және өткізуге белсенді қатысады. Мысалы, «Білім беру саласындағы сыбайлас жемқорлыққа қарсы қызметтің құқықтық және басқару тетіктері (ұлттық және шетелдік тәжірибе)» тақырыбында халықаралық ғылыми-тәжірибелік онлайн конференция, «Жоғары оқу орындарында парасаттылықты қалыптастырудың әдіснамалық негіздері және әдептілікті көтеру» тақырыбында ғылыми семинар ұйымдастырылып, өткізілді.
Парасаттылық пен сыбайлас жемқорлыққа қарсы мәдениетті қалыптастыру бойынша республикалық және өңірлік БАҚ-тарда, әлеуметтік желілерде және теледидарда белсенді түрде жоба жұмысының нәтижелері жарияланып келеді. Мәселен, газеттерде 47 мақала (“Егемен Қазақстан”, “Білімді ел”, “Экспресс К”, “Заң”, “Қазақ”, “Вечерний Алматы” және облыстық газеттерде), телеарналарда сұхбаттар мен бейнесюжеттер жарияланса, интернет кеңістігінде 194 және әлеуметтік желілерде 186 мақалалар жарияланды.