“Сөзіңе жауап бер!”. Панкратионнан әлем чемпионы Қуат Найманды жекпе-жекке шақырды
«Генаға бокстан кету керек деген» танымал спортшы Қуат Хамитовты Панкратионнан әлем чемпионы Мырза Еркенбеков жекпе-жекке шақырды, деп хабарлайды ҚазАқпарат.
Естеріңізде болса, 19 наурыз күні Геннадий Головкин Нью-Йорк қаласындағы «Мэдисон Сквер Гардэн» аренасында америкалық Дэниел Джейкобспен кезекті айқасын өткізіп, қарсыласын төрешілердің шешімімен жеңген болатын.
Осы жекпе-жектен кейін аралас жекпе-жек шебері Қуат «Найман» Хамитов өзінің әлеуметтік желісінде «Жеңіс құтты болсын! Бірақ раундтар бойынша есеп Джейкосбтың пайдасына – 5:7. Нокдаун бар. Минимум бұл тең нәтиже болуы керек. Міне, осы себепті біз Головкин – Уорд жекпе-жегін көре алмаймыз. Генаға бокстан кету керек. Жасы келді», – деп жазды.
Осы жазбадан кейін Панкратионнан әлем чемпионы Мырза Еркенбеков өзінің Инстаграм парақшасында «Найманға» қарсы жауап жазды.
«Қуат Хамитов сен менен қашқақтай бермей жекпе-жекке шық. Геннадий Головкиннің жеңісі бүкіл қазаққа ортақ. Менімен жекпе-жекке шықпасаң Головкин емес «сен» спорттан кетуің керек»
– деп жазды Мырза Еркенбеков.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз