Солтүстік Қазақстанда құтқарушылар балықшыларды абай болуға шақырды. Өйткені Есілдің беті әлі қатпаған.
Жұқа мұз адам салмағынан жарылып кетуі мүмкін. Осы себепті құтқарушылар күнбе-күн түсіндіру жұмыстарын жүргізіп, балықшыларға ақпарат парақшаларын таратып жатыр деп хабарлады облыстық төтенше жағдай департаментінің баспасөз қызметі.
„Мұздың қалыңдығы 20 сантиметрге жуық. Бәрібір алысқа бара алмайсыз. Орта жағы жұқа. Небәрі 7 сантиметр. Қауіпті. Әлі аяз да болған жоқ. Ал ары бармасаң балық қармаққа көп түспейді. Сондықтан қазір өңір халқы балық аулау демалысынан бас тарта тұрса болар еді», – дейді құтқарушылар.
Cиноптиктер, жалпы биыл Қазақстанға қыс тым кеш келді деп ескертуде. Мәселен, қаһарлы желтоқсан болса да Астанада әлі бұрқасын қар жаумаған. Ал былтыр табиғаттың қатал мінезі қарашада басталып кетіп еді.