Солтүстік Қазақстан облыстық денсаулық басқармасының басшысы ауысты
Солтүстік Қазақстан облысы Денсаулық сақтау басқармасының басшысы болып Владимир Безлер тағайындалды.
Бұл туралы Солтүстік Қазақстан облысы әкімінің баспасөз қызметі хабарлады.
Владимир Безлер, 1976 жылы Көкшетау қаласында туған. «Дәрігер-хирург» мамандығы бойынша Ақмола мемлекеттік медициналық академиясын, «Денсаулық сақтау менеджері» мамандығы бойынша Қоғам денсаулығының жоғары мектебін бітірген.
2003-2011 жылдары нейрохирургиялық бөлімшеде дәрігер-нейрохирург болып жұмыс істеді. Петропавл қаласы бас дәрігерінің ұйымдастыру-әдістемелік жұмысы бойынша орынбасары, денсаулық сақтау басқармасы бөлімінің мас маманы, бастығы, басқарма бастығының орынбасары болды. ҚР Денсаулық сақтау министрлігі стратегиялық даму депараменті басқармасының бөлімдерінде екі жыл бастық лауазымында болды.
2013-2017 жылдары – ҚР Премьер-Министрі Кеңсесінің бас сарапшысы, Денсаулық сақтау министрлігінің ішкі әкімшілік департаментінің директоры. 2017 жылдың басынан қазіргі уақытқа дейін ҚР Денсаулық сақтау министрлігі әкімшілік департамент директорының орынбасары болып қызмет атқарды.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз