Астана
Қазір
0
Ертең
0
USD
366.43
0.00
EUR
420.11
0.00
RUB
5.58
0.00

«Сол кезде атып жібердім…». Атышулы Мұратхан Тоқмәди 13 жыл жасырған құпияны жария етті

Таразда 13 жылдан кейін кісі өлтіргенін мойындаған Мұратхан Тоқмәдидің ісіне қатысты аты шулы сот процессінің алғашқы тыңдалымы өтті.

Үш жылға сотталған шыны королі «Тұран Әлем Банкінің» бұрынғы басшысы Ержан Тәтішевті жеке Әблязовтың тапсырысымен қасақана жазым еткенін түрмеде жатып мойындаған. Енді ол осы қылмысы үшін заң алдында жауап беруде, деп хабарлайды КТК арнасы.

Таразда өтуінің себебі, Тоқмәди мойындап отырған қанды қылмыс Жамбыл облысының аумағында болған. Адам өлтіру бабы бойынша айыпталған Тоқмәди ісін облыстық сот өткен аптада қарауға алған. Әу баста айыпталушы сот процесіне тек онлайн режимінде қатысады делінген. Бірақ олай болмай шықты.

https://kaz.365info.kz/tokhmadidin-khylmys-alemindegi-bedeli-zhajynda-tyn-akhparat-shykhty-video-272639

 

Шыны королі сот отырысына өзі келгенімен, оның өзі де адвокаты да бірден түсірілім жасауға рұқсат етпеді. Судья өтінішті қанағаттандырды. Ал, жалпы Мұратқан Тоқмәди сау басына сақина тілеп алды десе болады.

Өйткені ол «Тұран Әлем Банкінің» бұрынғы басшы Ержан Тәтішевті қасақана жазым еткенін 13 жылдан кейін жария етіп қойды. Оның неліктен мұндай қадамға барғаны түсініксіздеу.

 

«Ол Ержанның көзін жою керектігі жөнінде ұсыныс жасады. Бұл іс аңшылық кезінде байқаусызда болған оқиғадай жүзеге асуы керек еді. Ол былай болды: қаруды маған беріп жатқан кезде мен атып жібердім. Ержан сол жерде өліп кетті», – дейді айыпталушы Мұратхан Тоқмәди.

Осылай деп сайраған күдікті сол кезде қылмысқа Мұхтар Әблязовтың тапсырыс бергенін және Тәтішевті қасақана өлтіргенін жасырған еді.

https://kaz.365info.kz/ajelin-ketip-khalady-bishimbaevtyn-ata-anasy-ylyna-khandaj-khysym-zhasalganyn-zhajyp-saldy-288275

Ал тергеушілерге Тәтішевтің қаза болу себебін басқаша түсіндірген. Яғни, Отар жазығында аң аулап жүріп, машина ішінде оның қолындағы қарудан оқ марқұмның басына абайсызда атылып кетті, деп ақталған еді.

Осы қылмысы үшін ол небәрі бір жылға сотталып, тіпті рақымшылыққа ілініп, көп ұзамай түрмеден босап шықан. Ал, қылмыстық іс сол күйі жабылған еді.

Белгілі кәсіпкердің бұған дейін үш жылға сотталғанын айта кетейік. Ол өткен жылы бірнеше ауыр баптар бойынша айыпталып, бірақ кінәсін мойындап, әрі тергеуге көмек бергені үшін жазасы едәуір жеңілдеген. Ал, бұл жолы шыны королі оңай құтылмайтын тәрізді. Адам өлтіру бабы бойынша айыпталған Тоқмәди тіпті өмір бойына түрмеге жабылуы мүмкін.

Дереккөз: Stan.kz 

https://kaz.365info.kz/dym-zhokh-ashykh-shashykh-suretke-tysken-dilnaz-ahmadieva-maskhara-boldy-video-296004