Балалар үйінде тәрбиеленген немересін асырап алған атыраулық әйел көп ұзамай одан бас тартып, оны қайтадан Атыраудағы балалар үйіне өткізіп жіберген.
Бұл туралы atpress.kz-ке сілтеп, Stan.kz хабарлайды.
«Шаңырақ» отбасылық типтегі Атырау балалар ауылының директоры Гүлсара Ботатаева жақында оларға балалар үйінің бұрынғы тәрбиеленушісінің қайта оралғанын айтты.
«Бала туғаннан бері балалар үйінде тәрбиеленген, себебі оның биологиялық анасы қызды баға алмады. Бірақ біз оның туған әжесін тауып алдық және оны немересін балалар үйінен алып кетуге көндірдік»,- дейді Гүлсара Ботатаева.
«Қыз психологиялық зақым алды. Туған әжесі бас тартқаннан кейін қатты жылады. Қазір онымен психологтар жұмыс істеп жатыр», – деді балалар ауылының директоры.
Қазіргі уақытта туған әжесі бас тартқан бүлдіршін кәмелетке толмағандардың бейімделу орталығында екен. Сонымен қатар, бұл жағымсыз жағдайдың барлық мәліметтері анықталуда.