Өскеменде бір отбасын көршісі өрттен құтқарды
17-қарашада таңертеңгі сағат 6 шамасында Загородный кентінде жеке үйде өрт шықты.
Бұл туралы Өскемен қаласының төтенше жағдайлар басқармасының баспасөз қызметі хабарлады.
„Жер үйден шыққан өртті, ең алдымен көршісі байқаған. Отқа оранса да қаннен-қаперсіз ұйықтап жатқан көршілерін ол оятпақ болып, терезені, есікті қаққан. Есікті әйел ашады. Уақыт үнемдеу керек екенін жақсы түсінген Асланбек Висаитов шалт қимылдап, көршісіне керекті заттары мен құжттарын жинауға көмектесіп, оны далаға алып шыққан. Содан кейін өрт сөндірушілерді шақырды. Ол өздігінен шатырдағы өртті сөндіруге әрекеттенді„ делінеді ресми хабарламада.
Өрт ауданы 75 шаршы метр болды. Өрт себебі бойынша пешті пайдалану және монтаждау кезінде өрт қауіпсіздігі ережесін сақтамау болжамы қарастырылуда.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе