Мұнай магнаты, әйгілі меценат, Сиви Махмұдидің әкесі Махмұт Нәлібаев 60 жас мерейтойын дүркіретіп атап өтті.
Той Алматыдағы ең қымбат Royal Tulip мейрамханасында өтті деп хабарлады Stan.kz.
Сән-салтанатты ерекше жақсы көретін Сиви бұл жолы да әдетінен жаңылған жоқ. Тойдың ұйымдастырылуын жіті қадағалаған ол келген қонақтарды барынша таңғалдыруға тырысты.
Айтпақшы,
Нәлібаевтың той тойлауына тек 60 жасқа толуы ғана емес, жұбайы Анар Рүстемовамен 35 жыл отасуы да себеп болған.
Тойда әйгілі отандық жұлдыздардан бөлек, шетелдік өнерпаздар да бой көрсетті. Әсіресе, танымал араб әншісі Араштың ән салуы көпшілікті таңдай қақтырды.
Ресейлік әнші әрі актриса Анна Семенович тойдың көркін ашты. Ол Арашпен бірге дуэт орындады.
Бұдан өзге, еліміздегі ең танымал әншілердің бірі Қайрат Нұртас өнердегі әріптесі Сивидің көңілін қалдырмай, оның әкесін мерейтойымен құттықтай келді.
Ал Сиви мен оның анасы бұл кеште жасыл түсті бірдей көйлек киіп, ел назарында жүрді.
Ал меценат Махмұт Нәлібаевқа жақындары су жаңа Волга автокөлігін сыйға тартты.