Сиви Махмуди жаңа бейнебаянына күйеуі өзге жігіттерді түсірмей қойғанын айтты. Әншінің жары Сивидің клипте өзге жігітпен көңіл қосқанын ұнатпағандықтан, жақын досыммен түсесің деген шарт қойған.
Бұл туралы НТК арнасының “Ревю” бағдарламасы хабарлайды.
Әнші Сиви Махмуди болса, бейнеклипін таспалауға баяғыда кірісіп кеткен. Алайда, әншінің жары видеотуындыда Сивидің сүйіктісінің рөлін, жат біреу сомдамасын деген қатал талап қойған. Бұл қызғаныштың қандай түрі?!
“Күйеуімнің жан досы. Басқа жігіттерден қызғанғаннан кейін, досы түссін деп ұсыныс жасады. Өзі сымбатты, өзінің кішкене болса да өнері бар болғаннан кейін, осы жігітпен басты рөлде жігітім ретінде түсейін деп жатырмын”,- деді әнші.
Сюжет бойынша жарының жан жолдасымен көңіл жарастырған бейнеклипі «Кел жаным» атты әнге таспалануда.
Ақпарат көзі: nur.kz